AMİNOL HAQQINDA

Şirkət Profili

AMINOL — Peşəkar Sürtkü Həlləri Təchizatçısı Yüksək Performanslı Mühərrik Yağları, Sənaye Yağları, Qatlar və Avtomobil, Ağır Sənaye və İstehsalat Avadanlıqları üçün Kompleks Yağlama Sistemləri

“ALCO” MMC 5 may 2016-cı il tarixində dövlət qeydiyyatında alınmışdır. Elə həmin ildə şirkətə Sumqayıt Kimya-Sənaye Parkının rezidenti statusu verilmişdir.

2016-cı ildən Sumqayıt Kimya-Sənaye Parkının ərazisində inşasına başlanılan “ALCO” MMC-yə məxsus sürtkü yağları zavodu 15 dekabr 2017-ci ildə Azərbaycan Respublikası Prezidentinin Sumqayıt Kimya-Sənaye Parkına səfərindən sonra fəaliyyətə başlamışdır.

Zavod Almaniya və İtaliya istehsalı olan ən müasir avadanlıqlarla, o cümlədən tam avtomatlaşdırılmış istehsal xətləri ilə təchiz olunmuşdur.

Eyni zamanda, “ALCO” MMC-yə ayrılmış 3.5 ha ərazidə xammal, material və hazır məhsul ehtiyatlarının saxlanılması üçün 5 min tonluq rezervuar parkı yaradılmış, 4800 m2 -lik anbar sahəsi inşa edilmişdir. Qablaşdırma prosesində çevikliyi artırmaq və daxili təminatı gücləndirmək məqsədilə 2019-cü ildə zavodda plastik qablar istehsalı sahəsi yaradılmışdır və hazırda “ALCO” MMC yüksək keyfiyyətli plastik qablarla özünü tam şəkildə təchiz edir.

2019-cu ildən şirkətin fəaliyyət sahəsi genişləndirilmiş və texniki mayelərin istehsalına başlanılmışdır. Bu məqsədlə zavod ərazisində illik istehsal gücü 5 min ton olan soyuducu maye - antifiriz istehsalı sahəsi qurulmuşdur və hazırda zavodda müxtəlif antifiriz çeşidləri istehsal olunur.

2020-ci ildən isə dizel yanacağı ilə işləyən avtomobillərin NOx emissiyasınının təsirini kimyəvi cəhətdən azaltmaq üçün istifadə edilən xüsusi qeyri-toksik sintetik karbamid məhlulu – “AdBlue” istehsalına başlanılmışdır. Bununla yanaşı, zavodda ISO/IEC 17025” beynəlxalq standartının tələblərinə uyğun olaraq akkreditə edilmiş və 30-dan artıq müasir cihazla təchiz olunmuş keyfiyyət təminatı laboratoriyası fəaliyyət göstərir. Hazırda həmin laboratoriyada 65-dan çox göstərici üzrə sınaqlar aparılır.

2023-cü ildə zavodda performans qatqılarının istehsalı və saxlanılması, həmçinin müasir dövrün tələblərinə uyğun olaraq ekoloji cəhətdən təmiz, bitki mənşəli bio-əsaslı yağların və mayelərin istehsalı üçün də zəruri infrastruktur qurulmuşdur.

2024-cü ildən etibarən zavodun istehsal gücü illik 100 min tona çatdırılmışdır. Hazırda şirkətin məhsul portfeli 1000-dən artıq unikal çeşidi özündə ehtiva edir, bir çox yeni məhsullar isə realizasiya mərhələsindədir. “ALCO” MMC tərəfindən istehsal olunan mühərrik yağları, müasir yük avtomobillərində minimum 100,000 km, sərnişin avtomobillərində isə minimum 30,000 km yağ dəyişmə intervalını təmin etmək qabiliyyətinə malikdir zəmanət əsasında müştərilərə təklif olunur.

Əlavə olaraq, ən çətin istismar şəraitində belə maksimum qoruma, yanacaq səmərəliliyi və mühərrik dayanıqlığı təmin edən “GE” təsdiqli lokomotiv yağları da dəmir yolu nəqliyyatında performansın etibarlı zəmanəti sayılır. Metal emalı, enerji, xüsusilə alernativ külək enejisi və istilik istehsalı, mədən və sement sənayesi, kağız və sellüloz, tekstil, plastik və rezin emalı kimi kritik sahələrdə yüksək performanslı yağlar vacib rol oynayır. “ALCO” MMC bu sahələrin hər birinə uyğunlaşdırılmış geniş sənaye yağları çeşidi təklif edir. Sözügedən yağlar yüksək keyfiyyəti, sabit performansı və uzunmüddətli dayanıqlılığı ilə sənaye avadanlıqlarının effektiv işləməsini təmin edir, texniki nasazlıqların qarşısını alır və istismar müddətini əhəmiyyətli dərəcədə uzadır.

Beləliklə, bu gün ALCO MMC, yüksək texnoloji imkanları, geniş məhsul portfeli və beynəlxalq bazarlara çıxış strategiyası ilə Cənubi Qafqaz və regionda sürtkü yağları və texniki mayelərin istehsalı üzrə ixtisaslaşmış ən iri sənaye müəssisələrindən biri kimi tanınır.

BREND TARİXÇƏSİ

“AMINOL”
- SABİT GÜC, ETİBARLI QORUMA VƏ YÜKSƏK PERFORMANS DEMƏKDİR.

Azərbaycan Respublikası prezidenti cənab İlham Əliyevin ölkədə apardığı iqtisadi siyasətə uyğun olaraq “AMINOL” brendi “Made in Azerbaijan” nişanı ilə 2017-ci ildə yaradılmış və qısa zaman ərzində xarici bazarlarda ciddi nüfuz və etibar qazanmışdır.

Markanı rəqiblərdən fərqləndirən əsas üstün cəhət - sabit güc, etibarlı qoruma və yüksək
performans vəd etməsidir.

“AMINOL” məhsulllarının keyfiyyət və qiymət arasında ideal balans yaratması onları müştərilər üçün daha cəlbedici edir.

Əsas inkişaf mərhələləri:

2017 – “AMINOL” ticarət nişanının Azərbaycanda qeydiyyatı
“AMINOL” ticarət nişanı 2017-ci ildə Azərbaycan Müəllif Hüquqları Agentliyi tərəfindən dövlət
qeydiyyatına alınmışdır və elə həmin ildə də ilk məhsul partiyalarının istehsalına başlanılmışdır.

2020-2022 – “OEM” təsdiqlərinin və “API” /”ACEA” lisenziyalarının alınması
Məhsulların rəqabət qabiliyyətinin artırılması məqsədilə 2020-2022-ci illərdə 40-dan çox OEM-
dən təsdiqlər alınmış, habelə məhsullar Amerika Neft İnstitutu (API) və Avropa Avtomobil İstehsalçıları Assosiyasiyasının (ACEA) müəyyənləşdirdiyi klassifikasiyalara uyğun lisenziyalaşdırılmışdır.

2022 – “AMINOL” ticarət nişanının Ümumdünya Əqli Mülkiyyət Təşkilatı tərəfindən qeydiyyata alınması
Ticarət nişanının beynəlxalq səviyyədə qorunmasını təmin etmək üçün “AMINOL” 2022-ci ildə Ümumdünya Əqli Mülkiyyət Təşkilatının “Madrid” - Beynəlxalq Ticarət Nişanları Sistemində qeydiyyatdan keçirilmişdir.

2022-2023 – Portfelin təkmilləşdirilməsi və çeşidlərin artırılması
2022-2023-cü illərdə aparılan intensiv təqiqat və təkmilləşdirmə (R&D) işlərinin nəticəsi olaraq
brendin məhsul protfeli genişləndirillmiş və 200-dən çox yeni, innovativ məhsul yaradılaraq
istehsalına başlanılmışdır.

2024 – Qlobal miqyasda tanınma
“AMINOL” artıq 50-dan çox ölkəyə ixrac edilən və “best value for money” konsepti ilə tanınan
beynəlxalq marka statusunu qazanmışdır

“AMINOL” bu gün keyfiyyəti, münasib qiymətləri və geniş çeşidli portfeli ilə təkcə bir yağ markası
deyil, o eyni zamanda Azərbaycan sənayesinin qlobal miqyasda nüfuzunun simvoludur.

MİSSİYAMIZ VƏ MƏRAMIMIZ

MİSSİYAMIZ - təcrübə, bilik və bacarıqlarımızı müasir texnologiyalarla vəhdət halına gətirib
müştərilərə innovativ və yüksək keyfiyyətli məhsullar, həmçinin effektiv həllər (xidmətlər) təqdim etməkdir.

MƏRAMIMIZ - ətraf mühitə məsuliyyətli yanaşma, rəqəmsal transformasiya, əməliyyat
mükəmməlliyi və prinsipial biznes etikası ilə davamlı inkişafa nail olub qlobal miqyasda tanınan
aparıcı şirkətə çevrilməkdir

DƏYƏRLƏRİMİZ

• Dürüstlük və Etika
Fəaliyyətimizi şəffaflıq, hesabatlılıq və dürüstlük prinsipləri əsasında qururuq, tərəfdaşlarımız,
müştərilərimiz və bütün maraqlı tərəflərlə qarşılıqlı etimada əsaslanan münasibətlər yaradırıq.

• Əməliyyat Mükəmməlliyi
İstehsal proseslərini davamlı olaraq optimallaşdırır, innovasiyaları tətbiq edir və qabaqcıl sənaye standartlarına riayət edərək yüksəl keyfiyyətli məhsullar təqdim edirik.

• İnnovasiya və Təkmilləşmə
Tədqiqat və inkişaf (R&D) layihələrinə sərmayə qoyur, yeni texnologiyaları araşdırır və dəyişən
bazar tələblərinə uyğun olaraq məhsulları davamlı şəkildə təkmilləşdiririk.

• Müştəri Məmnuniyyəti
Müştəri ehtiyaclarını dərindən araşdırır, onları qarşılamaq üçün zəruri təbirlər görürük . Beləliklə, yüksək səviyyəli xidmət göstərmək və müştəri məmnuniyyətini təmin etmək məqsədilə uzunmüddətli tərəfdaşlıqlar qururuq.

• Sağlamlıq, Əməyin Təhlükəsizliyi və Rifah
Beynəlxalq təhlükəsizlik standartlarına uyğun şəkildə təhlükəsiz və sağlam iş mühiti yaradır,
əməkdaşları rifahını əsas prioritet hesab edirik.

• Davamlılıq və Sosial Məsuliyyət
Əməliyyatlarımızda “ESG” - yəni ekoloji, sosial və korporativ idarəetmə prinsiplərini rəhbər
tutaraq ətraf mühitin qorunmasına və daim cəmiyyətə faydalı təşəbbüslərlə töhfə verməyə
çalışırıq. Bu xüsusda davamlı ağacəkmə kampaniyaları həyata keçirir, yaşıllıq zolaqları salır, müxtəlif ictimai fondlara ianələrlə dəstək olur, eləcə də internatlara və qocalar evlərinə ziyarətlər təşkil edərək həssas təbəqələrin nümayəndələri ilə mütəmadi görüşlər keçiririk.

• Əməkdaşlıq və Komanda Ruhu
Biz birliyə güvənirik. Qarşılıqlı hörmətin, səmimi ünsiyyətin və ortaq məqsədlərə doğru çiyin-
çiyinə çalışmağın dəyərinə inanırıq. İşdə komanda ruhunu gücləndirən mühit yaradır, hər bir əməkdaşımızı təşəbbüs göstərməyə, dəyər yaratmağa və birgə uğurun parçası olmağa çağırırıq.
Kollektiv ruhumuzu gücləndirən əsas dəyərlərdən biri də sosial həmrəylikdir. Komandamızın hər bir üzvünün əlamətdar günlərini - o cümlədən ad günlərini - birlikdə qeyd edir, həm sevincli, həm də çətin anlarda bir-birimizin yanında olmağa çalışırıq.

Daha ətraflı
istehsal haqqında

{% trans "Aminol Lubricants produces and packages high-quality oils using premium imported base oils and additives, formulated by expert engineers." %}

►

KEYFİYYƏT

Keyfiyyətə nəzarət infrastrukturu

Laboratoriya xidmətlərimiz avtomobil yağları üçün nəzərdə tutulmuş yüksək dəqiqlikli sınaq həlləri sahəsində ixtisaslaşır. Ən müasir avadanlıqlardan və mütəxəssis analizindən istifadə edərək, hər bir yağ nümunəsinin keyfiyyətini və göstəricilərini diqqətlə qiymətləndiririk. Özlülük dərəcəsinin ölçülməsindən kimyəvi tərkibin təhlilinə qədər apardığımız hərtərəfli sınaqlar məhsullarımızın ən sərt keyfiyyət standartlarına cavab verməsini təmin edir ki, bu da mühərriklərinizin fəaliyyət göstəricilərini və istismar müddətini artırır.

Akkreditasiya və Testləşdirmə Mükəmməlliyi

Laboratoriyamız sınaq laboratoriyalarının səriştəliliyi və qərəzsizliyi üzrə beynəlxalq səviyyədə tanınmış ISO/IEC 17025 standartına tam uyğun olaraq akkreditə olunmuşdur. Bu sertifikatlaşdırma metodlarımızın, avadanlıqlarımızın və personalımızın etibarlılıq və izləniləbilərlik baxımından ən yüksək dünya standartlarına cavab verməsini təmin edir.

Özlülük dərəcəsi və donma temperaturundan başlayaraq oksidləşməyə davamlılıq və element tərkibinin analizinə qədər ciddi sınaq proseslərimiz istehsal etdiyimiz hər bir sürtkü yağının sərt keyfiyyət meyarlarına cavab verməsinə zəmanət verir. Davamlı kalibrləmə, monitorinq və təsdiqləmə (validasiya) sayəsində biz hər zaman sabitliyi, təhlükəsizliyi və sertifikatlaşdırılmış effektivliyi ilə fərqlənən məhsullar təqdim edirik.

Biz zəmanət veririk

Yüksək Performans

Daha uzun texniki xidmət intervalları, daha az nasazlıq və minimal dayanma müddəti üçün işlənib hazırlanmışdır - bu da bütün əməliyyatlarınızda fasiləsiz məhsuldarlığı təmin edir.

Daha aşağı texniki xidmət xərcləri

Azaldılmış aşınma və uzadılmış istismar müddəti daha az texniki müdaxilə və daha aşağı əməliyyat xərcləri deməkdir.

İnsanlar & ətraf mühit üçün daha təhlükəsiz

İnsan sağlamlığını qorumaq və ətraf mühitə təsiri azaltmaq məqsədilə tərkibində mikroplastiklər və ya xlorlaşdırılmış parafinlər olmadan hazırlanmışdır.

Azaldılmış enerji sərfiyyatı

Optimallaşdırılmış yağlama sürtünməni və enerji itkisini azaldır ki, bu da bütün istismar şəraitlərində səmərəliliyi artırır.

İSTEHSAL

Müasir istehsalat mərkəzi

Sumqayıt Kimya Sənaye Parkında (SKSP) yerləşən və 3,5 hektar ərazini əhatə edən “ALCO” MMC-nin sürtkü yağları zavodu ən yüksək beynəlxalq standartlara uyğun inşa edilmiş müasir istehsal mərkəzidir. Üç növbədə fəaliyyət göstərən müəssisə illik 100,000 ton istehsal gücünə malikdir.

Ən son texnologiyalara əsaslanan Almaniya və İtaliya istehsalı olan avadanlıqlarla təchiz edilmiş zavod maksimum səmərəliliyi, məhsulun sabit keyfiyyətini və əməliyyat təhlükəsizliyini təmin edir. Bütün qarışdırma və qablaşdırma prosesləri tam avtomatlaşdırılmışdır ki, bu da hər mərhələdə insan amilindən qaynaqlanan səhvləri minimuma endirir və dəqiqliyi optimallaşdırır. Zavodun ərazisində antifriz istehsal sahəsi, plastik qabların hazırlanması üçün üfürmə-tökmə sexi və 4800 m²-lik müasir anbar kimi xüsusi sahələr mövcuddur.

İnteqrasiya edilmiş Logistika və İnfrastruktur

İnfrastrukturumuz fasiləsiz logistika və genişləndirilə bilən əməliyyatlar üçün qurulmuşdur. Zavodda etibarlı və davamlı istehsal axınını təmin edən, ümumi tutumu 5000 tondan çox olan 23 xammal çəni mövcuddur.

Səmərəli daşınma və paylanmanı asanlaşdırmaq üçün müəssisədə 15 vaqona qədər qəbul edə bilən 526 metrlik daxili dəmir yolu xətti, həmçinin 80 vaqon tutumlu icarəyə götürülmüş əlavə dəmir yolu xətti fəaliyyət göstərir. Almaniya istehsalı olan ölçü sistemi yükləmə zamanı miqdara dəqiq nəzarəti təmin edir, logistikada tam şəffaflığı və dəqiqliyi təmin etmək məqsədilə isə yük maşınları həm boşaldılmadan əvvəl, həm də sonra tərəzidə çəkilir.

İş Mühitində İnteqrasiya və Əməliyyat Yetkinliyi

İstehsalat kompleksi, istehsalı, keyfiyyət təminatını və logistikanı vahid bir məkanda birləşdirən tam inteqrasiyalı bir sistem kimi qurulmuşdur. İstehsalat zonalarına əlavə olaraq, ərazidə həm əməliyyatların əlaqələndirilməsini, həm də işçilərin rifahını dəstəkləyən, yüksək səviyyədə təşkil edilmiş bir mühit yaradan xüsusi ofis binası və istirahət sahəsi də mövcuddur.

SƏNƏDLƏR VƏ SERTİFİKATLAR

“REACH” qeydiyyatı

Hazır məhsulların əsas tərkib hissəsi olan baza yağları Aİ-nin REACH tənzimləməsi altında qeydiyyata alınmışdır, bu da məhsulların Aİ üzv ölkələrinə məhdudiyyətsiz ixracına imkan verir.

The base oils that form the main component of finished products are registered under the EU’s REACH regulation, allowing unrestricted export of the products to EU member states.

“OEM” TƏSDİQLƏRİ

Məhsulların Deutz AG, Volvo Group, General Motors, Mercedes-Benz AG, General Electric, Volkswagen AG, Caterpillar, Cummins, Ford Motor Company, Stellantis N.V. (Chrysler) və MAN Truck & Bus SE kimi 40-dan çox orijinal avadanlıq istehsalçılarının (OEM) müəyyənləşdirdiyi spesifikasiyalara uyğunluğu qiymətləndirilmiş və müvafiq təsdiqlər (approvals) alınmışdır.

Eyni zamanda, hazırda BMW AG, Dr. Ing. h.c. F. Porsche AG, Tata Motors (Jaguar / Land Rover), Opel Automobile GmbH, Bosch Rexroth, Parker Denison, Eaton, Fives Cincinnati, Afnor, Krauss Maffei, Husky, Palfinger və digər OEM-lərdən də zəruri təsdiqlərin (approvals) alınması məqsədilə işlər aparılır.

The products have been evaluated for conformity with the specifications of more than 40 original equipment manufacturers (OEMs), including Deutz AG, Volvo Group, General Motors, Mercedes-Benz AG, General Electric, Volkswagen AG, Caterpillar, Cummins, Ford Motor Company, Stellantis N.V. (Chrysler) and MAN Truck & Bus SE, and the corresponding approvals have been obtained.

Work is also in progress to secure approvals from additional OEMs such as BMW AG, Dr. Ing. h.c. F. Porsche AG, Tata Motors (Jaguar / Land Rover), Opel Automobile GmbH, Bosch Rexroth, Parker Denison, Eaton, Fives Cincinnati, Afnor, Krauss Maffei, Husky, Palfinger and others.

“ATIEL” və “UKLA”ya üzvlük

ALCO MMC Avropa Sürtkü Yağı Sənayesinin Texniki Assosiasiyasının (ATIEL) və Birləşmiş Krallıq Sürtkü Yağları Assosiasiyasının (UKLA) üzvüdür. Bu üzvlüklər şirkətin məhsullarının beynəlxalq təsnifatlara və yüksək sənaye standartlarına tam uyğun şəkildə istehsal edildiyini nümayiş etdirir.

ALCO LLC is a member of ATIEL (Technical Association of the European Lubricants Industry) and UKLA (United Kingdom Lubricants Association). These memberships demonstrate that the company’s products are manufactured in full compliance with international classifications and high industry standards.

“API” və “ACEA” lisenziyaları

Məhsulların Amerika Neft İnstitutu (API) və Avropa Avtomobil İstehsalçıları Assosiasiyasının (ACEA) müəyyənləşdirdiyi təsnifatlara uyğunluğunu təsdiqləmək üçün bu qurumlardan lisenziyalar əldə edilmişdir.

Licences have been obtained from the American Petroleum Institute (API) and the European Automobile Manufacturers’ Association (ACEA) to confirm that the products meet the classifications defined by these bodies.

“ISO” standartlarının tətbiqi

Şirkətin inteqrasiya edilmiş idarəetmə sistemləri UKAS akkreditasiyalı sertifikatlaşdırma qurumu tərəfindən audit olunmuş və aşağıdakı beynəlxalq standartlara uyğun sertifikatlaşdırılmışdır:

• ISO 9001:2015 – Keyfiyyət İdarəetmə Sistemi
• ISO 14001:2015 – Ətraf Mühitin İdarəetmə Sistemi
• ISO 45001:2018 – Peşə Sağlamlığı və Təhlükəsizliyinin İdarəetmə Sistemi
Hazırda, ISO 27001 “İnformasiya təhlükəsizliyi, kibertəhlükəsizlik və məxfiliyin qorunması – İnformasiya təhlükəsizliyi idarəetmə sistemləri” beynəlxalq standartının tətbiqi üçün hazırlıq işləri aparılır.

The company’s integrated management systems have been audited by a UKAS-accredited certification body and certified to the following international standards:
• ISO 9001:2015 – Quality Management System
• ISO 14001:2015 – Environmental Management System
• ISO 45001:2018 – Occupational Health & Safety Management System

Preparatory work is under way to introduce ISO 27001 “Information security, cybersecurity and privacy protection – Information security management systems”.

DAVAMLILIQ

“ALCO” MMC üçün dayanıqlılıq bir öhdəlikdən daha artıqdır – bu, strateji bir istiqamətdir. Yüksək keyfiyyətli sürtkü yağlarının aparıcı istehsalçısı olaraq, qlobal ekoloji standartlara və daim dəyişən müştəri tələblərinə cavab vermək məqsədilə bütün fəaliyyətimizdə ekoloji şüurlu yanaşmaları tətbiq edirik. Yaşıl texnologiyalara davamlı sərmayə qoyuluşu, məsuliyyətli təchizat və sənaye üzrə əməkdaşlıq sayəsində biz bütün dünyada sürtkü yağları istehsalının daha dayanıqlı gələcəyini fəal şəkildə formalaşdırırıq.

Neft əsaslı sürtkü yağlarının ətraf mühitə təsirinin minimuma endirilməsi

ALCO MMC ənənəvi neft əsaslı sürtkü yağlarının ətraf mühitə təsirini minimuma endirmək üçün innovativ yanaşmalardan istifadə edir. Sintetik texnologiyalar resurs səmərəliliyini artırır, istehsal tullantılarını minimuma endirir, təkrar emalı təşviq edir, enerji istehlakını azaldır və daha yüksək məhsuldarlığa nail olur.
İstehsaldan əlavə, şirkət işçilərin ekoloji bilik və bacarıqlarını gücləndirmək üçün həm yerli, həm də beynəlxalq təlimçilərin rəhbərliyi ilə müntəzəm təlim sessiyaları və seminarlar təşkil etməklə ekoloji maarifləndirməni fəal şəkildə təşviq edir. Xarici təşkilatlarla əməkdaşlıq bu səyləri daha da zənginləşdirir, şirkət miqyasında davamlılıq mədəniyyətini inkişaf etdirir.

Bio-əsaslı məhsullara qlobal tələbatın artması

Son illərdə qlobal ekoloji tarazlığın pozulması və iqlim dəyişikliyi ilə mübarizə üzrə səylərin gücləndirilməsi bütün sənaye sektorlarında, o cümlədən sürtkü yağları sənayesində bio-əsaslı məhsullara marağı əhəmiyyətli dərəcədə artırıb.
Neft məhsulları ilə müqayisədə daha az karbon izi olan, ətraf mühitə təsiri minimuma endirən və davamlı inkişaf məqsədlərini dəstəkləyən təbii, bərpa olunan mənbələrdən hazırlanan sürtkü yağları həm iqtisadi, həm də ekoloji zərurətə çevrilib.

Bio-əsaslı sürtkü yağlarının istehsalının strateji inteqrasiyası

Güclü korporativ sosial məsuliyyət təcrübələrini formalaşdırmaq və ESG (Ətraf Mühit, Sosial və İdarəetmə) prinsiplərinə uyğunluğu təmin etmək məqsədi daşıyan müasir şirkətlər üçün də bio-əsaslı məhsulların istifadəsi getdikcə daha vacibdir. Bu yanaşma qlobal rəqabət qabiliyyətini artırır və davamlı biznes modellərinin inkişafını təşviq edir.

Bu qlobal imperativləri dərk edərək, ALCO MMC bio-əsaslı sürtkü yağlarının istehsalını əsas strateji prioritet hesab etmişdir. Bu öhdəliyin bir hissəsi olaraq şirkət xüsusi infrastruktura investisiya yatırmış və Sumqayıt Kimya Sənaye Parkındakı zavodunda ixtisaslaşmış istehsal müəssisəsi yaratmışdır. 2025-ci ildən başlayaraq, ALCO MMC rezin və plastik sənayesində geniş istifadə olunan bio-əsaslı texnoloji yağların istehsalına başladı.

Beynəlxalq Sertifikatlaşdırma və Qlobal Öhdəlik

Bu məhsullar, bitki mənşəli və qeyri-ərzaq xammalından əldə edildiyini təsdiqləyən FSC Zənciri (CoC) və ISCC Plus daxil olmaqla, beynəlxalq səviyyədə tanınmış standartlara uyğun sertifikatlaşdırılıb.
Bu sertifikatlar yalnız məhsulların davamlılıq etimadnaməsini gücləndirmir, həm də onların ekoloji cəhətdən şüurlu alıcılar və qlobal tərəfdaşlar üçün cəlbediciliyini gücləndirir.

Bu təşəbbüslərlə ALCO MMC nəinki davamlılığın inkişaf edən tələblərinə cavab verir, həm də qlobal miqyasda məsuliyyətli sürtkü yağları istehsalının gələcəyini fəal şəkildə formalaşdırır.